छत्रपाटी निःशुल्क चिकित्सालययात थुगु दँया बेखा नारायण–देवकुमारी राष्ट्रिय प्रतिभा पुरस्कार लःल्हाइगु जुगु दु।

येँ महानगर १७ वडास्थित छत्रपाटी निःशुल्क चिकित्सालय वि.सं.२०१३ सालंनिसें गरिब व असहाय विरामीया सेवा याना वयाच्वंगु व वंगु कोरोना महामारीया इलय् प्रदान याःगु विशेष सेवाया कदरयासें थथे सिरपाः लःल्हायेत्यनागु खँ धका सिरपाः समितिया अध्यक्ष प्रा.डा. जगदिश नारायण मानन्धरं धयादीगु दु।

हनापौ नाप दोसल्ला सहित ५० द्वः तका धनराशीया खः। थ्वहे वइगु शनिवाः स्वयम्भूइ जुइगु मानन्धर स्वयम्भू भ्वजय् लःल्हाइगु ग्वसाः दु।

थगुने थ्व सिरपाः आविष्कार केन्द्रया वैज्ञानिक महाविर पुनयात लःल्हाःगु खः।

Categorized in राष्ट्रिय