म्हिगः निगु ल्याखं कुहावंगु शेयर बजाः थौ छु भचा थहावःगु दु। शेयर बजाः परिसूचक नेप्से थौ ४ दशमलव ७८ अङ्कं थहावना २ हजार ३५ दशमलव ६४ विन्दुइ थ्यःगु दु।

थौ बैंकिङ, होटल नाप पर्यटन, माइक्रोफाइनान्स, निर्जीवन बीमा, व्यापारबाहेक मेगु समूहया शेयर थहावंगु दु। उत्पादन नाप प्रशोधन समूहया शेयर दकलय् अप्पो १ सय ७० अङ्कं थहावंगु दु।

हिमालय ऊर्जा विकास कम्पनीया शेयर १० प्रतिशतं थहावःगु दु। समग्र बजाः थहावंगु दिं उन्नति सहकार्य लघुवित्त व धौलागिरि लघुवित्त कम्पनीया शेयर १० प्रतिशतं कुहावया नकारात्मक सर्किटय् वःगु दु।

६६ लाख १४ हजार कित्ता शेयर २ अर्ब ६५ करोड रुपैयाँया कारोबार जूगु दु। दकलय् अप्पो सर्वाेत्तम सिमेन्टया १९ करोड ३७ लाख रुपैयाँया शेयर कारोवार जुगु दु।

Categorized in राष्ट्रिय