सत्ता गठबन्धनय् दुगु दल दथुइ कर्णाली प्रदेश सरकारया नेतृत्व नेकपा एमाले न यायेगु सहमति जूगु दु।

येँ च्वंगु एमाले–माओवादीनाप सत्ता गठबन्धनया बैठकय् कर्णाली प्रदेश सरकारया नेतृत्व एमाले न यायेगु सहमति जुगु धका माओवादी केन्द्रया कर्णाली इन्चार्ज कालीबहादुर मल्लं जानकारी बिःगु दु।

उगु सहमति कथं आः एमाले प्रदेश संसदीय दलया नेता यामलाल कँडेल मुख्यमन्त्री जुइगु दु। ४० म्ह सदस्य दुगु कर्णाली प्रदेश सभाय् सरकार दयकेगु निति २१ म्ह सांसदपिनिगु समर्थन माः।

प्रदेश सभाय् माओवादीया १३, एमालेया १० व एकीकृत सामाजवादीया छम्ह सांसद दु।

Categorized in राजनीति