नेकपा एमालें राष्ट्रियसभा उपाध्यक्षय् विमला घिमिरेयात उम्मेदवार दयकिइगु जुगु दु।

राष्ट्रियसभा दल नेता देवेन्द्र दाहालया कथं पार्टीं घिमिरेयात उम्मेदवार दयकेगु निर्णय याःगु दु। ‘सत्ता गठबन्धनय् जिमिसं कायेगु सहमति जुइ धुकुगु दु’, धका धयादीसे, ‘व हे कथं जिमिसं उम्मेदवार क्वछिनागु खः।’ सत्तारुढ प्यंगु दल एमाले, माओवादी, राष्ट्रिय स्वतन्त्र पार्टी व जसपा दथुइ जूगु च्याःगु बुँदे सहमतिइ राष्ट्रिय सभा अध्यक्ष माओवादी व उपाध्यक्ष एमाले कायेगु उल्लेख जुगु खः।

लिपा एकीकृत समाजवादी न गठबन्धनय् दुथ्यावं उपाध्यक्षय् दाबी याःगु खःसा न्यागु दलं यागु सहमतिइ उपाध्यक्ष एमाले कायेगु  सहमति चिइकूगु खः। राष्ट्रियसभा उपाध्यक्षया लागि चैत २८ गते निर्वाचन जुइगु दु।

Categorized in राजनीति