नेपाली कांग्रेस कर्णाली प्रदेश संसदीय दलया नेता जीवनबहादुर शाहीया सांसद पद स्वतः निलम्बन जूगु दु।

अख्तियार दुरुपयोग अनुसन्धान आयोगं भ्रष्टाचार मुद्दा विशेष अदालतय् दर्ता जुइवं शाहीया सांसद पद निलम्बनय् लागु खः। भ्रष्टचार निवारण ऐन, २०५८ अख्तियार दुरुपयोग अनुसन्धान आयोग, २०४८ य् दुगु व्यवस्था कथं सार्वजनिक पदय् दुम्ह मनूयाविरुद्ध मुद्दा दर्ता जुलकि स्वतः निलम्बन जुइगु व्यवस्थाय् दु।

निगः वाइडवडी विमान न्यायेगुलि भ्रष्टचार याःगु धासे अख्तियारं पूर्व पर्यटन मन्त्रीतक जुयादीम्ह शाहीनाप ३२ म्हेसित मुद्दा दर्ता याःगु खः। वाइडवडी न्यायेगुलि १ अर्ब ४७ करोड रुपैयाँ भ्रष्टचार जूगु धका अख्तियारं दाबी यागु दु। शाही हुम्ला प्रदेश सभा (२) पाखे निर्वाचित जूगु खः।

Categorized in राजनीति