विश्व बैङ्कं सन् २०२४ य् दक्षिण एसियाया आर्थिक वृद्धिदर ६ प्रतिशत जुइगु अनुमान याःगु दु।

विश्व बैङ्कं पिकागु लिपागु रिपोटय् चिहाकगु इलय् दक्षिण एसियाया वृद्धिया सम्भावना बालागु दु अय्न कमजोर वित्तीय स्थिति व अप्पो जलवायु प्रभावं समस्या जुइगु उल्लेख याःगु दु।

विकासयात अझ म्हो यायेत निजी लगानीयात अप्पो थाय् बिया रोजगारी अप्पोका नीतिगत व्यवस्था यायेत माःगु रिपोर्टय् धाःगु दु धका एएनआई न जानकारी बिगु दु। रिपोर्टय् व्यापार खुलापन व वित्तय् पहुँच थकायेगु, व्यापारिक वातावरण व संस्थाय् सुधार, वित्तीय क्षेत्रय् प्रतिबन्ध चिइकेगु, शिक्षाय् सुधार, व मिसापिनिगु आर्थिक गतिविधिइ प्रतिबन्ध चिइकेगु थे जाःगु दृढ विकासयात प्रोत्साहित याना रोजगारीयात अप्पोकेगु निति थीथी नीति सिफारिस याःगु खः।

थुगु उपाय न विकास व उत्पादकत्व थकायेगु व जलवायु अनुकूलन सार्वजनिक लगानीया लागि थाय् खाली याना ग्वहालि यायेत विश्व बैंकं धाःगु दु। दक्षिण एसियाय् सन् २०२४–२५ य् दकलय् अप्पो भारतया उत्पादनय् ७ दशमलव ५ प्रतिशतं थहावनेगु भलसा कयातःगु दु।

Categorized in अन्तर्राष्ट्रिय