इन्डिएन प्रिमिर लिग (आईपीएल)य् जुयाच्वंगु सिजनय् चेन्नाई सुपर किंग्सं निक्वःगु पराजीत जूगु दु। म्हिगः चान्ह्यः जूगु कासाय् चेन्नाईयात सनराइजर्स हैदराबादं ६ विकेटं पराजित याःगु खः।

चेन्नाई न बिउगु १६६ रनया लक्ष्य हैदराबादं १८.१ ओभरय् ४ विकेटय् पूरा याःगु खः। हैदराबादया लागि ऐडन मार्क्रमं ५०, ओपनर अभिषेक शर्मां ४७, ट्राभिस हेडं ३१, नितिश कुमार रेड्डीं १४ व हेनरिच क्लासेनं अविजित १० रनया योगदान याःगु खः। चेन्नाईया मोइन अलीं निगु, दीपक चाहर व महिश थिकशानापिन्स छगु छगु विकेट काःगु खः। चेन्नाइ न न्हापां ब्याटिगयासे न्यागु विकेटया क्षतिइ २० ओभरय् १६५ रन दयकूगु खः।

चेन्नाईया शिवम दुवें ४५, रवीन्द्र जडेजां ३१, अजिंक्या रहानं ३५ रन,  रुतुराज गायकवाडं २६ रन दयकूगु खः। हैदराबादया भुवनेश्वर कुमार, टी नटराजन, प्याट कमिन्स, सहबाज अहमद व जयदेव उनादकटं छगु छगु विकेट काःगु खः।

Categorized in कासा