२०८१ जेठ ९, बुधबार

रुसी खुगः विमान ध्वस्त

लहनान्युज | चिल्लागा द्धादशी ११४४, चैत्र २४ शनिवाः

युक्रेनं दक्षिणी रुसय् ड्रोन आक्रमण याना एयरबेस पार्किङ यानातःगु खुगः रुसी विमान ध्वस्त याना बियागु धका दाबी याःगु दु।

युक्रेनी रक्षा स्रोतया कथं रोस्तोभ क्षेत्रय् याःगु आक्रमणय् मेगु च्यागः विमान बामलाक्क क्षतिग्रस्त जूगु धका दाबी याःगु दु।उगु आक्रमणय् २० म्ह सैनिक सीउगु अनुमान याःगु दु।

स्रोतया कथं युक्रेन युद्धय् छ्यगु सुखोई–२७ व सुखोई–३४ विमान मोरोजोभस्क एयरबेसय् तयातःगु खः। युक्रेन यागु थुगु दाबीइ रुसपाखे छु न प्रतिक्रिया वःगु मदुनि।

बीबीसीं यागु थुगु दाबीयात स्वतन्त्र कथं प्रमाणितयात असमर्थ दु धका धाःगु दु। मेगुपाखे, रुसी अधिकारीतय्स युक्रेननाप स्वागु सीमा क्षेत्रय् ४० स्वया अप्पो ड्रोनया निशाना यागु धका धागु दु।

Categorized in अन्तर्राष्ट्रिय