थ्व हे वइगु वैशाख १५ गते इलाम–२ य् जुइगु उपनिर्वाचनय् नेकपा एमालेपाखे उम्मेदवार जूम्ह सुहाङ नेम्वाङयात माओवादी केन्द्र व विप्लव नेतृत्वया नेपाल कम्युनिस्ट पार्टी न समर्थन याःगु दु।

एमालेनापं स्वंगु दलया इलाम जिल्ला समितिं छगु इनाप पौ प्रकाशित यासे एमाले उम्मेदवार सुहाङ नेम्वाङया लागि मत फ्वनिइगु जुगु दु।

एमाले अध्यक्ष केपी शर्मा ओली, माओवादी केन्द्रया अध्यक्ष पुष्पकमल दाहाल व नेपाल कम्युनिस्ट पार्टीया महासचिव विप्लव दथुइ चुनावी तालमेल यायेगु समझदारी यासे सुहाङया लागि मत फ्वनिइगु जुगु खः।

उगु इनापय् एमालेया जिल्ला अध्यक्ष महेश बस्नेत, माओवादी जिल्ला संयोजक विजय खम्बु व नेकपाया इन्चार्ज मौसमं ल्हाःचिं तःगु खः।

Categorized in राष्ट्रिय