२०८१ जेठ ९, बुधबार

‘थेम्मृङ पत्रकारिता पुरस्कार’ रत्न श्रेष्ठयात

लहनान्युज | चिल्लागा द्धादशी ११४४, चैत्र २४ शनिवाः

नेवाः पत्रकारा राष्ट्रिय दबूया मुदुजः नापं राष्ट्रिय समाचार समितिया फोटो पत्रकार रत्नकृष्ण श्रेष्ठया थौं छगू ज्याझ्वःया दथुइ ‘थेम्मृङ पत्रकारिता पुरस्कार’ पाखे सम्मान याःगु दु।

मध्यपुर सञ्चार समाजं मध्यपुर थिमियात कला, संस्कृतियात पत्रकारिताया माध्यमं म्हसिकेगुलि योगदान याःगु धासें अथे सम्मान याःगु खः। थौ समाजया न्याक्वःगु अधिवेशन लिसें १२ क्वःगु साधारणसभाय् मध्यपुर थिमिया सांस्कृतिक धरोहर कला, संस्कृति नृत्य लिसें वाद्यगुरु ९६ दँया श्रीगोपाल प्रजापतिं पत्रकार श्रेष्ठयात दोसल्ला न्ययेका ५ हजार तका लिसें सम्मानपत्र लःल्हागु खः।

अथे हे उगु ज्याझ्वलय् मध्यपुर थिमिया  सम्पदाया संरक्षण, संवद्र्धन व पुनः निर्माणया महत्वपूर्ण योगदान याःगु धासें वाद्यगुरु प्रजापतिं मध्यपुर थिमि नगरपालिकाया निवर्तमान नगर प्रमुख मदनसुन्दर श्रेष्ठयात नं दोसल्ला न्ययेका सम्मान याःगु खः।

Categorized in राष्ट्रिय