नेकपा एमाले येँ महानगरपालिका १६ वडा कमिटीया ११ क्वःगु तःमुँज्यां जयप्रकाश श्रेष्ठयात नायः ल्यःगु दु।

येँया बालाजुइ च्वंगु बालाजी ब्याब्क्वेटय् जूगु तःमुँज्यां श्रेष्ठया नेतृत्वय् ४४ दुजः दुगु कमिटी सर्वसम्मत रुपं ल्यःगु दु। नेकपा एमाले स्थायी कमिटी सदस्य रघुजी पन्तया मूपाहाँसुइ जूगु तःमुँज्याय् न्वकु सुनिल के.सी., छ्याञ्जे रणेन्द्र महत, ल्यूछ्याञ्जे समीर भण्डारी व लुना श्रेष्ठयात ल्यःगु दु। ज्याझ्वलय् पार्टीया पोलिटब्यूरो दुजःपिं आनन्द पोखरेल व रामेश्वर फुयाँल पाहाँकथं ब्वति कयादीगु खः।

नेकपा एमाले १६ वडाया निवर्तमान अध्यक्ष पुष्प महर्जनया नायःसुइ जूगु वडा अधिवेशनं अध्यक्ष पदय् ल्यये धुंकाः श्रेष्ठं थःगु जिम्मेवारी गहन ढंगं निर्वाह यायेगु कनादिसें तःमुँज्या ताःलाक क्वचायेकेत ग्वाहालि यानादीपिं सकसितं सुभाय् देछानादिल। 

Categorized in राजनीति