राष्ट्रिय सभा उपाध्यक्ष पदय् निम्हेसिगु उम्मेदवारी
लहनान्युज | चौलाथ्व पारु ११४४, चैत्र २७ मंगलवाः
राष्ट्रिय सभा उपाध्यक्ष पदय् नेपाली कांग्रेस व नेकपा एमालेया उम्मेदवारपिन्स मनोनयन दर्ता याःगु दु।
नेपाली कांग्रेसया विष्णुदेवी पुडासैनी व नेकपा एमालेया विमला घिमिरें उम्मेदवारी दर्ता याःगु दु। निर्वाचन कन्ह्य बुधवाः जुइगु दु। उम्मेदवारी दर्ता याये धुका निम्हेसिया न थःपिनिगु उम्मेदवारी राष्ट्रिय सभाया गरिमा अझ थकायेगु भूमिका निर्वाह यायेगु जुइ धका धाःगु दु।
गणितीय हिसाबं न्ह्यने दुम्ह गठबन्धनया उम्मेदवार नाप एमाले सांसद घिमिरें थः निर्वाचित जुल धासा राष्ट्रिय सभा अध्यक्षनाप सहलह याना विधेयक न्ह्यने यकेगुलि प्रभावकारी भूमिका म्हितीइ जुइ धका धयादीगु खः।
अथेहे मेम्ह कांग्रेस उम्मेदवार विष्णुदेवीं दकोसित मिलेयाना न्ह्या वनेगु जुइ धका धयादीगु खः।
Categorized in राष्ट्रिय