शेयर बजाः थौ न निगु ल्याखं कुहावःगु दु। म्हिगः थहावंगु शेयर बजाः परिसूचक नेप्से थौ १० दशमलव ७१ अङ्कं कुहावया २ हजार २५ दशमलव ३० विन्दुइ थ्यःगु दु।

थौ उत्पादन व व्यापारबाहेक दक्को समूहया शेयर कुहावःगुलि बीमा, होटल, फाइनान्स, विकास बैंक, माइक्रोफाइनान्स समूहया शेयर थहावःगु दु।

सिङ्गटी हाइड्रो इनर्जी कम्पनीया शेयर १० प्रतिशतं कुहावःगु दु सा मान्डु हाइड्रोपावर कम्पनीया शेयर दकलय् अप्पो साढे ९ प्रतिशत स्वया अप्पो थहावःगु दु। बजाः कुहावःगु दिं ३ सय ८ गु कम्पनीया ८६ लाख ९६ हजार कित्ता शेयर ३ अर्ब ४८ करोड रुपैयाँ न कारोबार जूगु दु।

थौ दकलय् अप्पो हिमालयन रिइन्सुरेन्स कम्पनीया १२ करोड ५४ लाख रुपैयाँया शेयर कारोवार जुगु दु।

Categorized in राष्ट्रिय