२०८१ जेठ ९, बुधबार

युक्रेनया राजधानी किभय् तधःगु विद्युत केन्द्रय् आक्रमण

लहनान्युज | चौलाथ्व चौथी ११४४, चैत्र ३० शुक्रवाः

रुसं युक्रेनया राजधानी किभय् तधःगु विद्युत केन्द्र, ट्रिपिल्या पावर प्लान्टय् आक्रमण याना पूर्ण नष्ट याना बिउगु दु।

राजधानी किभनापं युक्रेनया तधःगु स्वंगु शहरय् मत वनिइगु विद्युत् केन्द्रय् क्षति यानाबिउगु दु। छगु तधःगु पावर प्लान्टय् आक्रमण जुगु धका ऊर्जा कम्पनी सेन्टर एनर्गो न पुष्टि याःगु दु।

आक्रमणया कारण विनाशया मात्रा ग्यानापूसे च्वंगु धका कम्पनीं धागु दु धका बीबीसीं उल्लेख याःगु दु। रुसं ताःईनिसे युक्रेनया ऊर्जा प्रणालीइ सिइक सिइक हे आक्रमणया निशाना दयका वयाच्वंगु दु।

रुसं यागु आक्रमणय् ट्रान्सफर्मर, टर्बाइन, जेनेरेटरय् क्षति यासे पावर प्लान्ट पूर्ण रूपं नष्ट याना बिउगु खः। रुसं युक्रेनया थीथी थासय् च्वंगु विद्युत् केन्द्रयात निशाना दयका ८० स्वया अप्पो मिसाइल व ड्रोन आक्रमण यायेगु यानाच्वंगु दु।

Categorized in अन्तर्राष्ट्रिय