२०८१ जेठ ९, बुधबार

थौनिसे फिब्बः ख्यलय् निषेधाज्ञा चिइकल

लहनान्युज | चौलाथ्व पंचमी ११४४, बैसाख १ शनिवाः

जिल्ला प्रशासन कार्यालय, येँ न थौ बैसाख १ गते निसे फिब्बः ख्यः (माइतीघर मण्डला) निसे बानेश्वर तक निषेधाज्ञा तयातःगु चिइकूगु दु।

सुरक्षा समितिं म्हिगः च्वंगु बैठकं थौ वैशाख १ गते निसे लागू जुइगु कथं फिब्बः ख्यःनिसे बानेश्वर (कृष्ण टावर) तक निषेधाज्ञा चिइकेगु निर्णय याःगु खः।

वंगु मंसिरनिसे स्थानीय प्रशासनं निषेधाज्ञा जारी याःगु खः। न्हापां निलाया निति धाउगु खःसा पटक पटक थपे याना निषेधाज्ञा जारी यानाच्वंगु खः।

अथेहे उगु थासय् तोडफोड यातधाःसा क्षतिपूर्ति याकेगु न निर्णय यागु दु। स्थानीय प्रशासन ऐनय् सार्वजनिक वा व्यक्तिगत सवारी, घर वा सम्पत्ति तोडफोड, आगजनी वा लुटपाट यानां क्षति यात धाःसा प्रमुख जिल्ला अधिकारीें कसूर स्वया १० हजार तक जरिवाना वा खुला तक कैद वा निगुलि हे सजाय व हानी नोक्सानीया बिगो असुल याना बिगो बराबर जरिवाना यायेगु फइगु कानुनी व्यवस्थाय् दु।

Categorized in राष्ट्रिय