२०८१ जेठ १२, शनिबार

दीपेन्द्रसिंह ऐरीं खुगु बलय् खुगु छक्का थ्वात

क्षितिज श्रेष्ठ | चौलाथ्व षष्ठी ११४४, बैसाख २ आईतवाः

नेपाःया अलराउन्डर दीपेन्द्रसिंह ऐरीं एसीसी प्रिमियर कपय् कतारविरुद्धय् छगु ओभरय् ६ छक्का थ्वाःगु दु।

दीपेन्द्र नेपाःपाखे छगु ओभरय् ६ छक्का थ्वाम्ह नेपाःया न्हापाम्ह कासामि जुगु दु। थ्व स्वया न्ह्यः दीपेन्द्रं छगु ई न्ह्यः मंगोलियाविरुद्ध निगु बिस्क ओभरय् लगातार ६ छक्का थ्वाःगु खः। तर उगु कासाय् छगु हे ओभरय् चाहि मखु। दीपेन्द्रं कतारया कमरान खानया लिपागु ओभरय् ६ छक्का थ्वाःगु खः।

दीपेन्द्रं २१ ब्लय् ३ चौका व ७ छक्काय् रन दयकूगु खः। अन्तर्राष्ट्रिय क्रिकेटय् छगु हे ओभरय् लगातार ६ छक्का थ्वाम्ह ऐरी न्याम्ह म्ह व ट्वान्टी–२० अन्तर्राष्ट्रियय् स्वम्हम्ह कासामि जुगु दु । थ्व स्वया न्ह्यः दक्षिण अफ्रिकाया हर्षल गिब्सं सन् २००७ य् एकदिवसीय विश्वकपय् नेदरल्यान्ड्सया डान भान बुङ्गेयात वेस्ट इन्डिजया बेसटेरेय् व भारतया युवराज सिंहं २००७ या ट्वान्टी–२० विश्वकपय् इंग्ल्यान्डया स्टुवार्ट ब्रोडयात दक्षिण अफ्रिकाया डर्बनय् छगु हे ओभरय् लगातार ६ छक्का थ्वाःगु खः।

अथेहे वेस्ट इन्डिजया किइरन पोलार्डं सन् २०२१ य् श्रीलंकाया अकिला धनन्जयया ओभरय् व अमेरिकाया जसकरण मलहोत्रां २०२१ य् पपुवा न्युगिनीया गौडी टोकायात लगातार ६ छक्का थ्वाःगु खः।

Categorized in कासा