जोशी व ढकाल एआईजीइ बढुवा सिफारिस
लहनान्युज | चौलाथ्व अष्टमी ११४४, बैसाख ४ मंगलवाः
सरकारं डीआईजी उमेशराज जोशी व भिमप्रसाद ढकालयात एआईजीइ बढुवा सिफारिस याःगु दु।
गृह सचिव अध्यक्ष जुगु बढुवा सिफारिस समितिइ म्हिगः सोमवाः च्वंगु बैठकं निम्हेसित बढुवा सिफारिस याःगु खः।
जोशी आः राष्ट्रिय प्रहरी प्रशिक्षण प्रतिष्ठान महाराजगन्ज व ढकाल प्रहरी प्रधान कार्यालय प्रहरी महानिरीक्षकया सचिवालयय् च्वना च्वंगु दु।
अथेहे मन्त्रालयं डा. देउती गुरूङ व ईन्जिनियर नबिन्द्र अर्यालयात डीआईजीइ बढुवा सिफारिस याःगु खः। अर्याल साइबर ब्युरोय् ज्या यानाच्वंगु दु सा गुरुङ प्रहरी प्रधान कार्यालय केनाइन शाखाया प्रमुख खः।
Categorized in राष्ट्रिय