२०८१ जेठ १२, शनिबार

आइओएफटिसी नेपाःया घोषणा

लहनान्युज | चौलाथ्व अष्टमी ११४४, बैसाख ४ मंगलवाः

अमेरिकाया पोर्टल्यान्डस्थित इन्टरनेसनल ओपन फ्रेन्डसीप तेक्वान्दो च्याम्पियनसिप (आइओएफटिसी) या ग्वहालि संस्थाया कथं आइओएफटिसी नेपाल स्थापना जुगु दु।

यलया सौगलस्थिल यलमुल गार्डेनय् जुगु छगु ज्याझ्वः दथुइ आइओएफटिसी नेपाल २०२४ गठन  जूगु जानकारी बिउगु खः। आइओएफटिसी प्रधान कार्यालयया संस्थापक लिसे निर्देशक ग्रान्डमास्टर दिवाकर महर्जनं आइओएफटिसी नेपाल २०२४ टिमया पदाधिकारी लिसे दुजःपिन्त लसकुस याःगु खः।

आइओएफटिस नेपालया अध्यक्षय् मीनप्रसाद खनाल च्वनादीगु खः। अथेहे उपाध्यक्षय् राजमन्दिर श्रेष्ठ, सचिवय् गिरीबहादुर सुनार, कोषाध्यक्षय् रिकेश महर्जन च्वनादीगु खः। सदस्यय् सहदेव श्रेष्ठ, शिलकुमारी महर्जन व भवानी बजगाईँ च्वनादीगु खः। ग्रान्डमास्टर महर्जनं न्हुगु टिमयात भिंतुना बियादीसे आइओएफटिसी नेपालं कासा ख्यलय् व पर्यटन प्रवर्द्धन यायेगु, कलासंस्कृतिया म्वाकेतयेगु व उत्थानया ज्या यानाच्वनागु खः धका धयादीगु दु।

वयकः धापू कथं, ‘‘आइओएफटिसी नेपालं प्रमुख रूपं इन्टरनेसनल ओपन फ्रेन्डसीप तेक्वान्दो च्याम्पियनसिप नेपालय् जुइगु इलय् उगु कासाय् नेपालंपिने जुगु इलय्  नेपालं ल्यय्या छ्वयेगुलि ग्वसाः खलःया भूमिका निर्वाह न यायेगु ज्या याइ ।’’ आइओएफटिसीं पालंपाः छगु संस्करण अमेरिकाय् व मेगु संस्करण अमेरिकापिने ज्याझ्वः याना वयाच्वंगु खः।

आइओएफटिसीया थःगु प्रमुख कार्यालय दुगु खःसा पोर्टल्यान्डय् न्यागु संस्करण, नेपालय् प्यंगु संस्करण, भारत, बेलायत, हङकङ व अमेरिकाय् मिचिगनय् छगु छगु संस्करण याये धुकुगु दु। 

Categorized in कासा