२०८१ जेठ १२, शनिबार

राजस्थान च्यागु विकेटं कोलकातायात त्याकल

क्षितिज श्रेष्ठ | चौलाथ्व नवमी ११४४, बैसाख ५ बुधवाः

इंग्लिस ब्याटर जस बटलरं शितकय् राजस्थान रोयल्सं इन्डियन प्रिमियर लिग (आईपीएल) २०२४ य् कोलकाता नाइट राइडर्सयात निगु विकेटं त्याकूगु दु।

२२४ रनया लक्ष्य ज्वना वःगु राजस्थानं २० ओभरय् च्यागू विकेटय् पूरा याःगु खः। जस बटलरं ६० बलय् ९ चौका व ६ छक्काय् १०७ रनया अविजित शतकीय इनिङ म्हितुगु खः। बटलरं आःतक निगु व आईपीएल करिअरय् न्ह्यय्क्वःगु शतक खः। थुगु सिजनय् बेंग्लोर विरुद्ध १०० रन दयकूगु खः।

छगु इलय् ३६ बलय् ९६ रन माःगु अवस्थाय् बटलरं लिपा तक म्हिता त्याकूगु खः। रियान पराग १४ बलय् ४ चौका व २ छक्कानाप ३४, रोभम्यान पावेलं १३ बलय् १ चौका व ३ छक्कानापं २६ रन दयकूगु खः। यशस्वी जैसवाल १९, सञ्जु स्यामसन १२, रविचन्द्रन आश्विन ८ व शिम्रन हेटमायर डक आउट जुगु खः।

कोलकाताया हर्षित राना, सुनिल नारायण व बरुण चक्रवर्तीपिन्स निगु निगु विकेट काःगु खः।टस बूया न्हापां ब्याटिङ यागु कोलकातां २० ओभरय् ६ विकेटय् २२३ रन दयकूगु खः। कोलकाताया सुनिल नारायणं दकलय् अप्पो १०९, फिलिप साल्ट १०, रघुवंशी ३०, श्रेयस ऐर ११, आन्द्रे रसेल १३ व रिंकु सिंहं २० रन दयकूगु खः।

राजस्थानया आवेश खान व कुलदीप सेनपिन्स निगु निगु व ट्रेन्ट बोल्ट व युजभेन्द्र चहलं छगु छगु विकेट काःगु खः।

Categorized in कासा