२०८१ जेठ १२, शनिबार

सकसिगु सम्मान जुइगु कथं महासंघया विवाद क्वचाय्केमाः, मन्त्री चौधरी

लहनान्युज | चौलाथ्व चतुर्दशी ११४४, बैसाख १० सोमवाः

फोनिज युके पत्रकारिता सम्मानपाखे फोनिजया पूर्व संघीय उपाध्यक्ष दिपिन राई व फोनिज युके पत्रकारिता सिरपा इच्क्षा मनकामना एफएम चितवन कुरिनटारय् ज्या यानाच्वंम्ह पत्रकार संगीता चेपाङयात उगु सिरपा लःल्हागु खः।

नेपाल आदीवासी जनजाती पत्रकार महासंघया ग्वसालय् पत्रकार दिपिन राईयात फोनिज युके पत्रकारिता सम्मान व फोनिज युके पत्रकारिता सम्मानयात फोनिज युके पत्रकारिता सिरपा मूपाहाँ महिला, बालबालिका लिसे ज्येष्ठ नागरिक मन्त्री भगवती चौधरीं लःल्हानादीगु खः।

फोनिज युके न दँय् दँसं अथे सम्मान व सिरपा नाप म्हति नीन्याद्धः तक बियावया च्वनागु खँ धका फोनिज युकेया निवर्तमान अध्यक्ष गोमा राना मगरं जानकारी बियादीगु खः।

अथेहे उगु ज्याझ्वलय् मन्त्री भगवती चौधरीं नुँगः तयेगु झ्वलय् धयादीगु दु, सकसिगु पक्षया सम्मान जुइगु कथं पत्रकार महासंघया संस्थापकया विवाद क्वछिइमाः धका धयादीगु दु। नेपाल आदिवासी जनजाति पत्रकार महासंघ (फोनिज) न ग्वसाः ग्वंगु छगु ज्याझ्वलय् नेपाल पत्रकार महासंघया स्थापना दिवस व सत्यनारायण बहादुर श्रेष्ठया योगदान विषयक संवाद ज्याझ्वः व फोनिज युके पत्रकारिता पुरस्कार वितरण समारोहयात सम्बोधन यानादीसे मन्त्री चौधरीले अथे धयादीगु खः।

वयकलं धयादीगु दु, पूर्व प्रधानमन्त्री नाप सन्त नेता कृष्णप्रसाद भट्टराईयात सकसिया हनाबनातःम्ह राष्ट्रया नेता जुगुलि मन्त्री चौधरीं नेता भट्टराईयात त्यागी नेताया कथं हनेगु याना वयाच्वंगु हे दु। ‘पत्रकार महासंघया स्थापना जुगुयात कया महासंघ थःम्हेसिया हे संवाद सुरु याःगु खः। थुगु विषय न पक्का न याकन हे निकर्षय् थ्यनिइगुलि भलसा कयाच्वना’, वयकलं धयादीगु दु, ‘जित थुगु विषय दक्को हे पत्रकारिता ख्यलय् गौरव कथं स्वाइगु विषय जुगुलि थुकिइ पक्का न याकन हे खँ न्ह्याइ।

सत्य तथ्यया आधारय् पक्का न थुगु विषयया समाधान जुइ।’ समुदायपाखे दनावया पत्रकारिता ख्यलय् न वयाच्वंगु लसता प्वकादीसे वइगु दिं अझ अप्पो जनताया खः पिहावयेके माः धका धयादीगु खः। ‘सत्यनारायणजु उगु इलय् जनताया पक्षया सूचं सम्प्रेषण यानादीसे पत्रकारिता ख्यलय् लगे जुयादीम्ह पत्रकारतय्त संगठित यायेगु ज्या यानादीगु हिसाबं वयकलं यानादीगुलि वयकः सकसिया लागि सम्मानित व्यक्तित्व जयादी’, वयकलं धयादीगु दु, ‘अथे याना झीम्ह सन्त नेता सम्मानित व्यक्तित्व हे जुयादी । वयकःपि निम्हसित हे जि हनाबना तयाच्वना ।

उकिया अर्थय् न पत्रकार महासंघं थुगु विषययात सकारात्मक कथं ज्या न्ह्यानिइ धकइगु भलसा कयाच्वना ।’ थःम्हेसिया न खुला तक रेडियो नेपालय् पत्रकारिता ख्यलय् ज्या यानागु खँ लुमकादीसे मन्त्री चौधरीं थुगु ख्यलय् खने दया वयाच्वंगु समस्याया समाधान यायेगु लागि सकसिगु ध्यान वनेमाःगुलि बः बियादीगु खः। पेशा व्यवसायनाप थःगु मेमेगु जिम्मेवारी व्यवस्थापन यायेमाःगुलि छु भचा थाकुक पत्रकारिता ख्यलय् मेमेगु पेशा स्वया बिस्क जुगुलि थुगु ख्यलय् ज्या यायेफत धासा जक समाजय् स्थापित जुइ फइ धका वयकलं धयादीगु खः।

Categorized in राष्ट्रिय