कतारया अमिर न्हापागु पटक नेपाः भ्रमणय् वःगु जुगुलि राष्ट्रपति रामचन्द्र पौडेल थःम्हेसिया हे विमानस्थलय् वना लसकुस याइगु जुगु दु।

अमिर शेख तमिम बिन हमाद अल थानीयात राष्ट्रपति पौडेलं विमानस्थलय् वना लसकुस याइगु ज्याझ्वः दु धका राष्ट्रपतिया प्रेस सल्लाहकार किरण पोखरेलं धाःगु दु।

कन्ह्यः मंगलवाः बहनि त्रिभुवन अन्तर्राष्ट्रिय विमानस्थलय् थ्यकं वइगु ज्याझ्वः दु। परराष्ट्र मन्त्रालयं अमिर नेपाः वइगु जुगु धका आधिकारिक घोषणा याःगु दु। वयकःया भ्रमणय् नेपाःपाखे दक्को तयारी पूरा याये धुकुगु दु।

नेपाः भ्रमणया झ्वलय् अमिर थानीं राष्ट्रपति पौडेलनाप शीतल निवासय् नापलाइगु ज्याझ्वः दु। वयकःया सम्मानय् राष्ट्रपतिं राजकीय भ्वय् न याइगु ज्याझ्वः दु। अथेहे भ्रमणया निन्हु कुन्हु अमिर थानीं प्रधानमन्त्री पुष्पकमल दाहाल ‘प्रचण्ड’ नाप निगुपक्षीय वार्ता याइगु ज्याझ्वः दु।

वार्तालिपा निम्हं नेतापिन्स निगुपक्षीय सम्झौता व समझदारीपत्रय् ल्हाःचिं तइगु ज्याझ्वः दु। थानी थ्व हे अप्रिल २४ य् येँपाखे कतार वनिइगु ज्याझ्वः दु धका मन्त्रालयं धाःगु दु।

वयकः बुधवाः स्वदेश लिहावनेगु ज्याझ्वः दु।

Categorized in राष्ट्रिय