इन्डियन प्रिमियर लिग (आईपीएल) य् रोयल च्यालेन्जर्स बैंगलुरुं त्याकूगु दु। वंगु चान्ह्यः जुगु कासाय् बैंगलुरुं सनराइजर्स हैदराबादयात ३५ रनं त्याकूगु खः।

बैंगलुरुं बिगु २०७ रनया लक्ष्य हैदराबादं निर्धारित २० ओभरय् ८ विकेटय् १७१ रन जक दयके फुगु खः। हैदराबादया शाहबाज अहमदं दकलय् अप्पो ४० रन दयकूगु खः। अथेहे, अभिषेक शर्मा व कप्तान प्याट कमिन्सपिन्स ३१–३१ रनया योगदान याःगु खः।बैंगलुरुया लागि करण शर्मा, स्वप्निल सिंह व क्यामरुन ग्रीनपिन्स निगु निगु व विल ज्याक्सं छगु विकेट काःगु खः।

टस त्याका न्हापा ब्याटिङ याःगु बैंगलुरुं विराट कोहली व रजत पाटिदारया अर्धशतकनापं न्ह्यय्गु विकेटय् २०६ रन दयकूगु खः।

Categorized in कासा