सङ्गीत ख्यलय् विशिष्ट योगदान याना वयाच्वपि स्रष्टापिन्त बियावयाच्वंगु छिन्नलता म्येया सिरपा व सम्मानया घोषणा याःगु दु। छिन्नलता गीत पुरस्कार गुठीया अध्यक्ष प्राडा वासुदेव त्रिपाठीया कथं गुठीया साधारण सभां २०७९ व २०८० सालया छिन्नलता गीत पुरस्कार व सम्मान घोषणा याःगु खः।

२०७९ सालया लागि छिन्नलता गीत पुरस्कार भूषण खरेल (गीत रचना), मनराजा नकर्मी (सङ्गीत) व शिव परियार (गायन) यात लःल्हाइगु जुगु दु। अथेहे युवा प्रतिभा पुरस्कार मेनुका पौडेलयात बिइगु जुगु दु।

२०८० सालया पुरस्कार वीरेन्द्र पाठक (गीत रचना), चण्डी काफ्ले (सङ्गीत) व मनिला सोताङ (गायन) यात लःल्हाइगु धका गुठीं धाःगु दु। लोकप्रिय युवा प्रतिभा पुरस्कार भुपु पाण्डेयात बिइगु जुगु दु।

Categorized in मनोरन्जन