२०८१ आषाढ ३०, आइतबार

टी–२० इतिहासय् दकलय् अप्पो २६२ रन पन्जाब पूरायात

क्षितिज श्रेष्ठ | चौलागा तृतीया ११४४, बैसाख १५ शनिवाः

ओपनर जोनी बेयरस्टोया शतक व शशांक सिंहया हिटिङया ग्वहालिं पन्जाब किंग्सं इन्डियन प्रिमियर लिग(आईपीएल) य् कोलकाता नाइट राइडर्सयात ८ विकेटया विश्व कीर्तिमानीइ त्याकूगु दु।

पन्जाबं टी–२० इतिहासय् दकलय् तधःगु लक्ष्य २६२ रन पूरा यागु खः। थ्व स्वया न्ह्यः टी–२० य् सन् २०२३ दक्षिण अफ्रिका जुगु कासाय् वेस्टइन्डिज विरुद्ध २५९ रन चेस याःगु खः। २६१ रनया लक्ष्य पन्जाबं १८.४ ओभरय् २ विकेटय् पूरा याःगु खः। पन्जाबया लागि जोनी बेयरस्टो ४८ बलय् ८ चौका व ९ छक्काया ग्वहालिइ १०८ रनया नट आउट जुया म्हितुगु खः।

ओपनर प्रभशिम्रन सिंहं २० बलय् ४ चौका व ५ छक्कानाप ५४ रन दयकूगु खः। शशांक सिंह २८ बलय् २ चौका व ८ छक्कानाप ६८ रनया नट आउट म्हितुगु खः। राइली रोसोउ २६ रनय् जूगु खः। कोलकाताया लागि छगु जक विकेट सुनिल नारायणं काःगु खः। इडेन गार्डेनय् टस बूया न्हापां ब्याटिङ याःगु कोलकातां २० ओभरय् ६ विकेटय् २६१ रन दयकूगु खः।

कोलकाताया ओपनर फिलिप साल्टं ३७ बलय् ६ चौका व ६ छक्काया ग्वहालि ७५ रन दयकूगु खः। सुनिल नारायणं ३२ बलय् ९ चौका व ४ छक्कानाप ७१ रन दयकूगु खः। वेंकटेश ऐर ३९, आन्द्रे रसेल २४, श्रेयस ऐर २८ व रिंकु सिंह ५ रनय् आउट जूगु खः। पञ्जाबया अर्शदीप सिंहं २, साम करन, हर्षल पटेल, राहुल चाहरपिन्स छगु छगु विकेट काःगु खः।

आईपीएलय् थ्व स्वया न्ह्यः दकलय् अप्पो रन चेस २०२० य् राजस्थान रोायल्सं पन्जाबं बिगु २२४ रनया लक्ष्य पूरा याःगु खः। थुगु हे दँय् राजस्थानं कोलकातां बिगु २२४ रनया लक्ष्य पूरा याःगु खः।

Categorized in कासा