बझाङ (१) या प्रदेशसभा उपनिर्वाचनय् नेकपा एमालेया दमनबहादुर भण्डारी निर्वाचित जूगु दु।

सोमवाः थौ क्वचाःगु मतगणनाय् भण्डारीं ११ हजार ६१३ मत हया निर्वाचित जुगु दु। वयकःया निकटतम प्रतिस्पर्धी नेपाली कांग्रेसया अभिषेक सिंहं ११ हजार ३४६ मत हःगु खः।

मत गणना क्वचाये धुका निर्वाचन आयोगं मत परिणाम औपचारिक कथं सार्वजनिक याःगु मदुनि। उम्मेदवारं मुचुल्काय् ल्हाःचिं तये धुका जक औपचारिक कथं घोषणा यायेगु धका प्रमुख निर्वाचन अधिकृत सुदर्शन लामिछाने न धाःगु दु।

उपनिर्वाचनय् माओवादी केन्द्रया उम्मेदवार जनक बुढां ३ हजार ८३१ मत हःगु खः। अथेहे एकीकृत समाजवादीया दिलबहादुर सिंहं २५१४ मत हःगु दु।

Categorized in राष्ट्रिय