उपप्रधानमन्त्री लिसे स्वास्थ्य व जनसङ्ख्यामन्त्री उपेन्द्र यादवं राष्ट्रसङ्घ सबल व प्रभावकारी संयुक्त राष्ट्रसङ्घ दयकेगुलि नेपालं मागु ग्वहालि दइ धका धयादीगु दु।

संयुक्त राष्ट्रसङ्घीय जनसङ्ख्या व विकास आयोगया ७५ क्वःगु बैठकय् ब्बति कायेगु निति न्युयोर्कय् वनाच्वम्ह उपप्रधानमन्त्री यादवं थौ राष्ट्रसङ्घया ७८ क्वःगु महासभाय् अध्यक्ष डेनिस फ्रान्सिसयात नापलायेगु झ्वलय् अथे धयादीगु धका संयुक्त राष्ट्रसङ्घया लागि न्युयोर्कस्थित नेपाःया स्थायी नियोगं धाःगु दु।

उपप्रधानमन्त्रीें जलवायु परिवर्तन व नेपाः थे जाःगु अप्पो कमविकसित देय् समस्या व उकिया असर बारे चर्चा यानादीसे पर्यटन विकास, अन्तर्राष्ट्रिय ग्वहालि लिसे बहुपक्षीयताया महत्व बारेमा विचाः तयादीगु खः। वयकलं शान्ति, समृद्धि व दिगो विकासया निति अध्यक्ष फ्रान्सिसं न्ह्याकिइगु ज्याझ्वलय् नेपाःया पूर्ण ग्वहालि यायेगु प्रतिबद्धता प्वकादीगु खः।

Categorized in राष्ट्रिय