पञ्जाब सुपर किंग्सं इन्डियन प्रिमियर लिग (आईपीएल) २०२४ या ४९ क्वःगु कासाय् चेन्नई सुपर किंग्सयात न्ह्यय्गु विकेटं बुकुगु दु। १६३ रनया लक्ष्य पञ्जाबं १७.५ ओभरय् ३ विकेटय् पूरा याःगु खः।

जोनी बेयरस्टा न ३० बलय् ७ चौका व १ छक्कानाप ४६, प्रभशिम्रन सिंह १३, शशांक सिंह २५, साम करन २६ व राइली रोसोऊ न २३ बलय् ४३ रन दयकूगु खः। चेन्नईया शार्दुल ठाकुर, रिचर्ड ग्लासेन, शिवम दुबें छगु छगु विकेट काःगु खः।

टस त्याका न्हापा ब्याटिङ याःगु चेन्नई न २० ओभरय् ७ विकेटय् १६२ रन दयकूगु खः। चेन्नईया कप्तान ऋतुराज गायकवाडं ४८ बलय् ६२ रन, अजिंक्या रहाणे २९, समिर रिज्वी २१, मोईन ओली १५ व महेन्द्रसिंह धोनी १४ रनय् आउट जूगु खः।

पञ्जाबया स्पिनर राहुल चाहर व हरप्रीत ब्रारपिन्स निगु निगु विकेट काःगु खःसा कागिसो रबाडा व अर्शदीप सिंहं छगु छगु विकेट काःगु खः।

Categorized in कासा