विराट नेपालभाषा साहित्य सम्मेलन गुथियात कयाः च्वयातःगु सफू पिदंगु दु। विराटया पुलांम्ह नायः लोकेन्द्र बज्राचार्यं च्वयादीगु उगु सफू नेपालभाषा एकेदेमिया भाइसचान्सलर लिसें नेवाः न्ह्यलुवाः मल्ल के सुन्दरया लिसें हनेबहःपिं व्यक्तिपाखें ख्वपय् जूगु छगू ज्याझ्वलय् उलेज्या जूगु खः।

विराटया नायः महेन्द्र गोपाल कर्माचार्यया सभाध्यक्षताय् जूगु उगु ज्याझ्वलय् लसकुस पविन्द्र बज्राचार्यं बियादीगु खःसा ज्याझ्वलय् विशेष पाहाँ कथं प्रा.डा. चुन्दा बज्राचार्य, पाहाँ कथं नगेन्द्र हाडा, त्रिरत्न शाक्यपिं झायादीगु खः।

च्वमि बज्राचार्यं च्वयादीगु उगु सफू दुने विराट नेपालभाषा सम्मेलन गुकथं न्ह्यात धैगु ऐतिहासिक खँत दुथ्याकातःगु दु।

Categorized in राष्ट्रिय