जनता समाजवादी पार्टी नेपाल विभाजन याना न्हुगु दल दर्ता यागु अशोक राईया नेतृत्वय् निर्वाचन आयोग वःगु दु। नेता राजेन्द्र श्रेष्ठं वर्तमान सरकारया पक्षय् थःपि दु धका धाःगु दु।

उपेन्द्र यादवं समर्थन लित कायेत स्वयवं विभाजन जुइत्यःगु खँ धका धयादीगु खः। ‘उपेन्द्र यादवं समर्थन लित कायेत स्वल, उकिइ अस्थिरता वइ। उकि थज्यागु पलाः ल्ह्वनेमाःगु खः’ श्रेष्ठं धयादीगु खः।

पुष्पकमल दाहाल प्रचण्ड नेतृत्वया थुगु सरकारयात समर्थन दु धका धयादीगु खः। ‘मन्त्री हे थन वःगु दु। सरकारयात समर्थन दु’, धका श्रेष्ठं धयादीगु खः।

सरकारय् जसपा नेपालया अध्यक्ष उपेन्द्र यादव उपप्रधान नाप स्वास्थ्यमन्त्री व नवलकिशोर साह वन लिसे वातावरण मन्त्री जुयाच्वंगु दु।

Categorized in राष्ट्रिय