प्रधानमन्त्री पुष्पकमल दाहाल ‘प्रचण्ड’ं वर्तमान संविधान आःतक न पूर्ण जुगु मदुनि धका धयादीगु दु। बागमती प्रदेशं प्रदेश सरकारी कामकाजया भाषा ऐन, उलेज्या नाप भाषा दिवसया लसताय् जुगु उगु ज्याझ्वलय् थःगु नुँगः तयेगु झ्वलय् अथे धयादीगु खः।

वयकलं न्हुगु संविधानय् पहिचान व अधिकार स्थापित यायेत यक्को सङ्घर्ष यासा न आःतक न पूर्णता जूगु मदुनि धका धयादीगु खः। वयकलं धयादीगु दु इमान्दार जुया सङ्घर्ष याना वन धासा संविधानयात स्थापित यायेत ल्यःदुगु अधिकार मदिक्क वइगु भलसा कयादीगु खः। दक्को उत्पीडित वर्ग, जाति व समुदायतय्स थःगु थःगु म्हसिका थुइका न्ह्यावन धासा अधिकारया राष्ट्रिय मुद्दा कार्यान्वयन यायेगुलि ऐक्यबद्धता क्यनेत इनाप यानादीगु खः। वयकलं धयादीगु दु नेपाली समाजया विशेषता व सामाजिक बनावट कथं दक्को वर्ग, जाति, क्षेत्र, लैङ्गिक व समुदायया पहिचान लिसे अधिकारया लागि थःम्हेसिया यक्को सङ्घर्ष याना वयाच्वंगु दु धका धयादीगु खः ।

वयकलं धयादीगु दु, ‘‘नेपाली समाजया विशेषता व सामाजिक बनावट कथं दक्को वर्ग, जाति, क्षेत्र, लैङ्गिक व समुदायया पहिचान नाप अधिकारया निति जि मदिक्क सङ्घर्ष याना वयाच्वनागु दु। थौ थ्व घोषणां सङ्घीय सरकारं लागू याये धुकुगु नेपाल संवतयात कार्यान्वयन यायेगुलि अझ मेगु अप्पो प्रभावकारी जुइ व मेमेगु प्रदेशय् न संविधानं व्यवस्था यागु कथं प्रादेशिक कानुन दयेकेगुलि भाषिक, सांस्कृतिक अधिकारयात सम्बोधन याइगु लँपुइ न्ह्याइ। नेपाली जनताया त्याग व बलिदानया बलं संघीय लोकतान्त्रिक गणतन्त्र, समावेशी समानुपातिक नाप संवैधानिक व्यवस्था जुगु खः।

अय्न आःयागु संविधान न अझ पूर्णता बिइगु ल्यः दनिइ । न्हुगु संविधानय् पहिचान व अधिकार स्थापित यायेत झीसं मदिक्क संघर्ष याना वयाच्वंगु खः। इमान्दार कथं सङ्घर्ष याना च्वनिइगु खःसा संविधानय् स्थापित यायेगु ल्यः दुगु अधिकार बुलुहु स्थापित जुया वनिइ। दक्को उत्पीडित वर्ग, जाति व समुदायं थःगु पहिचान यात म्हसिका व अधिकार याःगु राष्ट्रिय मुद्दा कार्यान्वयन यायेगुलि ऐक्यबद्धता क्यनेत इनाप यानाच्वना।’’

Categorized in राष्ट्रिय