निर्वाचन आयोगं अशोक राई नेतृत्वया दल जनता समाजवादी पार्टी दर्ता यायेगु निर्णय याःगु दु। उपेन्द्र यादव नेतृत्वया जनता समाजवादी पार्टी नेपालपाखे विद्रोह याना नेतातय्स म्हिगः आइतवाः न्हुगु दल दर्ताया लागि निवेदन बिःगु खः।

आयोगं थौ सोमवाः च्वंगु बैठकं दल दर्ता यायेगु निर्णय जुगु दु धका आयोगया सूचना अधिकारी सुमन घिमिरे न जानकारी बिःगु दु। राजनीतिक दल सम्बन्धी ऐन लिसे राजनीतिक दल सम्बन्धी नियमावली २०७४ या नियम ५ कथं दल दर्ता यायेगु निर्णय याःगु खः।

न्हुगु दलया नां जनता समाजवादी पार्टी तःगु दु। यादवं नेतृत्व यानाच्वंगु दलया नां जनता समाजवादी पार्टी नेपाल खः।

Categorized in राजनीति