बुंगद्यःया रथ दयका च्वंगु बारे जानकारी बिइगु आज्जु कथं म्हिगः मंगलवाः सञ्चारकर्मीतय्त स्थलगत अवलोकन व अन्तरक्रिया ज्याझ्वः याःगु दु।

गुथि संस्थान कार्यालय यलपाखे छगु ज्याझ्वः याना अथे संचाःकःमि तय्त जानकारी बिःगु खः। रथ दयकेगु ज्याय् बाराही गुठीया २३ म्ह व ञवा गुठीया १२ म्ह गुथीयारपि सहभागी जुइगु याइ। बैशाख १२ गते बुधवाः निसे यलया पुच्वोय् बुंगःद्यःया रथ दयकेगु ज्या न्ह्यागु खः सा टंगलय् मिननाथ द्यःया रथ दयकेगु ज्या जुयाच्वंगु खः।

रथ बैशाख १३ गते पारु क्ुन्हु दयेकेगु ज्या न्ह्यागु खः। रथय् ञवा गुठीयारं लःसी, खम्बा, गलःसी व जवं खवय् सिँ मसकं चिरुवाया बेत व चाकलागु बेत नागया आकारं चिइगु याइसा बाराही गुथीयारं सिँया ज्या याइ। रथ दय्केग ज्या मदिक्क जुयाच्वंगु दु स रथ दय्केगु झ्वलय्, उकिया प्राविधिक पक्ष, रथयात्राया सम्बन्धय् सञ्चारकःमितय्त जानकारी बिइगु कथं स्थलगत अवलोकन व अन्तरक्रिया जुगु खः।

गुथि संस्थानया केन्द्रीय प्रशासक किरण शाक्यया उपस्थितिइ उगु अन्तरक्रिया ज्याझ्वः जुगु खः। गुथि संस्थान यलया प्रमुख बैकुण्ठ आचार्यं बिगु जानकारी कथं बुगःद्यःया रथ दय्केगु निति १५ सय फिट महाबेत, १ सय ५० चिरुवाया बोट (लः बेत), निद्धः निद्धः मिटर तपूगु व चिपुगु खिपः माः धका धयादीसे वयकलं धयादीगु दु, ‘द्यः तयेगु निति प्यखेर लाकुरी जातया सिँ व खटय् फलाटया सिँ व धकु (ब्रेक) या लागि मयल जातया सिँ व धकुया बिहया लागि आरूया बोट माः,’ वयकलं धयादीगु दु, ‘दक्को बन्दोबस्त जुइ धुकुगु दु।’

Categorized in राष्ट्रिय