सर्वोच्च अदालतं अशोक राई नेतृत्वया जनता समाजवादी पार्टीयात यथास्थितिइ तया तयेत अल्पकालीन अन्तरिम आदेश बिःगु दु।

उपेन्द्र यादवया नेतृत्व जनता समाजवादी पार्टी नेपालपाखे अलग्ग जुया राईनाप न्ह्यय्म्ह सांसदपिन्स २०८१ साल वैशाख २३ गते बिस्क दल दर्ता याःगु खः। निर्वाचन आयोगं उगु दलयात वैशाख २४ गते दर्ता याःगु खः।

आयोगया निर्णयविरूद्ध उपेन्द्र यादवं सर्वोच्च अदालतय् रिट दायर याःगु खः। न्यायाधीश विनोद शर्माया इजलासं निगु हे पक्षनाप सहलह यायेगु लागि जेठ ८ गते सःतूगु दु।

आयोगं बिस्कं दलया मान्यता बिइवं प्रदेशया सांसदतय्त दल ल्ययेगु निति २१ दिं ई बिःगु खः। सर्वोच्चं उगु ज्यायात निष्कर्षय् थ्यकेगु निति आयोगनाप सहलह यायेमानि धका धाःगु दु।

Categorized in राजनीति