महिला, बालबालिका लिसे ज्येष्ठ नागरिक मन्त्री भगबती चौधरीं सामुदायिक विद्यालयय् आकर्षण याना जीवन उपयोगी शिक्षण स्यनेगुलि बःबिइमाः धका धयादीगु दु।

भालेश्वर माध्यमिक विद्यालय पनौती नगरपालिका ८ काभ्रेपलान्चोकया ६७ क्वःगु दँमुज्याय् सम्बोधन यासे अथे धयादीगु खः। मन्त्री चौधरीें संघीय शिक्षा ऐन संघ, प्रदेश व स्थानीय तह स्वंगु तहया सरकार जिम्मेवार जुइगु कथं वयेमाः धका धयादीगु खः। ऐन आः संसदय् वःगु दु धका धयादीस नापं विश्वविद्यालय व विद्यालय शिक्षा ऐन न संसदय् दर्ता जुइ धुकुगु दु धका धयादीगु दु।

‘संघीय शिक्षा ऐन संसदय् दु। नाप विश्वविद्यालय व विद्यालय शिक्षा ऐन न संसदय् दर्ता जुइ धुकुगु दु। संघीय शिक्षा ऐनदुने स्वंगु तहया सरकार जिम्मेवार जुइ कथं जुइमाः’, मन्त्री चौधरीं धयादीगु दु, ‘आः स्थानीय निकाययात शिक्षाया जिम्मेवारी बिउगु अवस्थाय् दु। अन यक्को हे खँ वःगु दु। उकिइ सम्बोधन जुइगु कथं ऐन वयेमाः।’आः यागु अवस्थाय् प्राथमिक विद्यालयय् विद्यार्थी भर्ना जुइगु म्हो जुगु धका धयादीसे मन्त्री चौधरीं सरकारय् दुथ्यापि मनू तयेस सामुदायिक विद्यालय भर्ना याय् माःगु अवधारणा हयेमाः धका धयादीगु दु।

Categorized in राष्ट्रिय