भाषासेवी ई देवदास मानन्धरं नेपालभाषा ख्यलय् यानादीगु योगदानयात कयाः नेपाल संवत न्हूदँ राष्ट्रिय समारोह समितिपाखे ज्याझ्वः याःगु दु।

थौं शनिवाः येँया नेपाः ब्याकेटय् उगु ज्याझ्वलय् समारोह समितिया नायः प्राडा नरेशमान बज्राचार्यया सभाध्यक्षताय् जुगु उगु ज्याझ्वलय् भाषासेवी विष्णु चित्रकार, शरद कसाः, गौतम मानन्धर, समिर कर्माचार्य लिसें थीथी वक्तापिन्सं देवदास मानन्धरं भाषा, लिपि, नेपाल संवतया तिथिपौ, शिक्षा, मानन्धर समुदायस यानादीगु थीथी योगदानयात कयाः चर्चा परिचर्चा यानादिगु खः।

ज्याझ्वलय् न्हूदँ समारोह समितिया सल्लाकार, नेवाः न्ह्यलुवाः डा. महेशमान श्रेष्ठया न उपस्थिति दुगु खः।

लसकुस समारोह समितिया दुजः ज्योति शाक्यं यानादिगु खःसा सरोज मानन्धरं सुभाय् देछानादिगु खः। ज्याझ्वः उमेश स्थापितं न्ह्याकादिगु खः।

Categorized in राष्ट्रिय