२०८१ आषाढ १२, बुधबार

बुद्ध दर्शनं अहिंसा, सद्भाव व मानव कल्याणया लँ क्यनिइ —प्रधानमन्त्री प्रचण्ड

लहनान्युज | बछलाथ्व पुन्हि ११४४, जेष्ठ १० बुधवाः

प्रधानमन्त्री प्रचण्डं मानव जातिया सर्वाङ्गीण हित व शान्तिया लागि बौद्ध दर्शनया प्रवर्तक गौतम बुद्धं त्याग, विचाः व अभ्यास अनुकरणीय जुगु धका धयादीगु दु।

विश्व शान्तिया अग्रदूत गौतम बुद्धया २५६८ क्वःगु जन्मजयन्तीया लसताय् थौ भितुना बिइगु झ्वलय् वयकलं धयादीगु दु। बुद्धया दर्शन व विचारं अहिंसा, सद्भाव व मानव कल्याणया लँ क्यनेगुलि बुद्धया विचाः हलियक उलिय् लोकह्वां  धका धयादीगु दु।

प्रधानमन्त्री प्रचण्डं भितुना सन्देशय् धयादीगु दु नेपाःया भूमिइ जन्म जूयादीम्ह बुद्धं दक्को मानव जातिया कल्याण याःगु सङ्कल्प ज्वना गृहत्याग याना कठोर परिश्रमं बोधिज्ञान कयादीगु खः धका उल्लेख यानादीगु दु। गौतम बुद्धं क्यंगु लँ अहिंसा, शान्ति, मानव कल्याणया लँपू व उपदेश थौ न उलिहे सान्दर्भिक जू धका धयादीसे प्रधानमन्त्रीं बुद्धया उपदेश व मार्गदर्शनयात स्वीकार याना न्ह्यावने फत धासा राष्ट्रिय एकता, सहिष्णुता व आपसी सद्भावं न्ह्यावने फत धासा जक ताः लाइ धका भलसा कयादीगु दु।

प्रधानमन्त्री दाहालं बुद्ध जयन्तीं बुद्ध दर्शन व धर्मया अहिंसात्मक शान्ति सन्देश व भ्रातृत्व भावनायात आत्मसात् याना न्ह्या वनेत प्रेरणा दयेमा धका कामना यानादीगु दु । वयकलं बुद्ध जयन्तीया लसताय् स्वदेश व विदेशय् च्वपि सकल नेपाःमि नाप बौद्ध धर्मावलम्बीपिनिगु सुख, शान्ति व समृद्धिया भिंतुना बियादीगु दु।

Categorized in राष्ट्रिय