२०८१ आषाढ १२, बुधबार

कर्मचारीतय्त आचारसंहिताया प्रशिक्षण

लहनान्युज | बछलाथ्व पुन्हि ११४४, जेष्ठ १० बिहीवाः

समाज कल्याण परिषद्या कर्मचारीतय्त जुइगु यौनजन्य दुर्व्यवहार विरुद्धया आचारसंहिताबारे सचेतना बिइगु ज्याझ्वः जुगु दु।

परिषदय् जुइगु सेवाग्राही, सहकर्मी कर्मचारी नाप अनुगमन मूल्याङ्कनय् वनेगु इलय् जुइगु यौनजन्य दुर्व्यवहार विरुद्ध छन्हुया सचेतना कक्षा सञ्चालन जुगु दु।

महिला, बालबालिका लिसे ज्येष्ठ नागरिक मन्त्री भगबती चौधरीं परिषद्या कर्मचारी, मूल्याङ्कनय् वनिइगु टिम लिडर लगायतपिन्स सेवाग्राहीतय्त आचारसंहिता अःखः व्यवहार याइगु उजुरी वइगु खँ वयेवं परिषदया पदाधिकारी, विभागीय प्रमुख लिसे कर्मचारीतय्त विषयगत विज्ञपाखे सचेतना बिइत निर्देशन बिउगु दु।

परिषदं दक्को विभागया कर्मचारीतय्त व्यवहारिक, नैतिक व कानुनी ज्ञाननाप आचारसंहिताबारे सचेतना बिउगु खः। परिषदया हे इतिहासय् न्हापागु पटक थःपिनिगु कर्मचारीतय्त थथे सचेतना ज्याझ्वः याःगु खः।

उगु सचेतनां ज्या याइगु थाय् मिसा, मिजंपिन्स छम्हं म्हेपिन्त गय्याना सम्मानपूर्वक व्यवहार यायेगु? यौनजन्य दुर्व्यवहार धइगु छु खः? गये याना जुइ? अजाःगु दुर्व्यवहारपाखे गये याना बचे जुइगु, कानुनी प्रावधान छु खः? लगायत कानुनी व व्यवहारिक प्रशिक्षण बिउगु खः।

Categorized in राष्ट्रिय