२०८१ आषाढ ५, बुधबार

नेपाः नेदरल्याण्ड्सनाप खुगु विकेटं पराजित

क्षितिज श्रेष्ठ | बछलागा चतुर्दशी ११४४, जेष्ठ २३ बुधवा

आईसीसी टी २० विश्वकप २०२४ अन्तर्गत समूहया न्हापागु कासाय् नेपाल नेदरल्याण्ड्सनाप खुगु विकेटं पराजित जूगु दु।

नेपालं बिगु १०७ रनया लक्ष्य नेदरल्याण्ड्सं १८.४ ओभरय् ४ विकेटय् पूरा याःगु खः। नेदरल्याण्ड्सया लागि ओपनर म्याक्स ओ’डाउडं अविजित जूया दकलय् अप्पो ५४ रन दयकूगु खः।

४८ बलय् ४ चौका व १ छक्का थ्वाःगु खः। अथेहे विक्रमजित सिंहं २२ व साएब्रान्ड एंगलब्रेक्टं १४ रन दयकूगु खः। बास डे लिडं अविजित ११ दयकूगु खः। नेपाःया लागि सोमपाल कामी, दिपेन्द्र सिंह ऐरी व अभिनाश बोहरापिन्स छगु छगु विकेट काःगु खः। डालासस्थित ग्राण्ड प्रेरी स्टेडियमय् टस बूया न्हापां ब्याटिङ याःगु नेपालं १९.२ ओभरय् दक्को विकेट गुमे याना १०६ रन दयकूगु खः।

छगु दशकलिपा निक्वःगु टी २० विश्वकप म्हिता च्वंगु नेपालं न्हापागु कासा बालक्क  म्हितिइगु भलसा कयातःगु खः। एसोसिएट क्रिकेटय् बल्लागु नेदरल्याण्ड्स विरुद्धया नेपालं ब्याटिङ बालाक्क याये यायेमफुगु खः।

नेपाःया लागि कप्तान रोहित पौडेलं ३७ बलय् दकलय् अप्पो ३५ रन दयके फुगु खः। लोअर अर्डरय् करण केसीं १२ बलय् १७ रन, गुल्सन झा न १५ बलय् १४ व अनिल शाहं १२ बलय् ११ रन दयकूगु खः।

बलिङय् नेदरल्याण्ड्सया लागि टिम प्रिन्जल व लोगन भान विकं स्वंगु स्वंगु, पउल भान मिकेरन व बास डे लिडं निगु निगु विकेट काःगु खः।

Categorized in कासा