नेपाल पत्रकार महासंघया चुनाव लिछागु दु। २७ क्वःगु महाधिवेशनं थौ जेठ २६ गते यायेगु धका क्वःछिगु खःसा आः चुनाव असार महिना तक लिछागु दु।

मतदाता नामावलीइ खनेदुुगु विवादया कारण चुनावया तिथि लिछानागु दु धका महासंघया अध्यक्ष विपुल पोखरेलं जानकारी बिःगु दु। वयकःया कथं विवाद समाधानया कुतः जुयाच्वंगुलि अध्यक्ष मण्डलनाप सहलह याना मतदानया तिथि क्वछिइगु जुइ धका धागु दु।

असार निगुगु वाः दुने मतदान यायेगु धका धासा न्हुगु तिथि क्वःछिउगु मदुनि।

Categorized in राष्ट्रिय