येँ महानगरपालिका २४ वडाया ग्वसालय् थौनिसे नेपाल बुद्धिचाल महासंघ लिसे जाना न्हापांगु नविन्द्र स्मृति फिडे रापिड बुद्धिचाल कासा २०८१ न्ह्यागु दु। थौं व कन्हे निन्हु यंक जुइगु उगु धेँ धेँ बल्ला कासाय् नेपाःया ४० जिल्लां ११८ म्हेसिया ब्वति काःगु दु।

नेपाःया बुद्धिचाल भेट्रान कासामि सिताराम अग्रवालया मुँपाहासुइ जुगु उगु ज्याझ्वः ९ गु चरणय् न्ह्याइगु व त्याकामिपिन्त नगद लिसें ट्रफि व दसिपौ लल्हाइगु दु धका ग्वसाः खलःया नायः विनोद कुमार राजभण्डारीं लहनान्युजयात कनादिगु दु।

येँ महानगरपालिकाया संस्थापक उपमेयर नविन्द्र राज जोशिया लुमन्तिइ उगु ज्याझ्वः यानागु धका ग्वसाः खलःया नायः राजभण्डारीं लहनान्युजयात कनादिगु दु।

Categorized in कासा