२०८२ भाद्र १४, शनिबार

युरो २०२४ य् फ्रान्स व पोल्याण्ड बराबरी

लहनान्युज | तछलागा पंचमी ११४४, असार १२ बुधवाः

केलिएन एमबाप्पें युरो २०२४ य् न्हापागु गोल यागुलि फ्रान्स व पोल्याण्ड बराबरी जुगु दु। युरो २०२४ अन्तर्गत समूह डी या कासाय् फ्रान्स पोल्याण्डनाप १–१ या बराबरी जुगु खः।

निगुलि टिमया कप्तानं गोल याःगु खःसा निगुलि गोल पेनाल्टीपाखे जूगु खः। डर्टमण्डया सिगनल इडुना पार्कय् जूगु कासाय् न्हापागु हाफय् गोल मजुगु खःसा निगु हाफय् निगुलि टिमं गोल याःगु खः।

एमबाप्पें ५६ गु मिनेटय् पेनाल्टीं गोल यागु खःसा कप्तान रोवर्ट लेवान्डोस्कीें ७९ गु मिनेटय् पेनाल्टीं गोल यासे कासा बराबरी याःगु खः।

Categorized in कासा