भारतया उत्तर प्रदेश हाथरसय् छगु धार्मिक ज्याझ्वलय् १ सय १६ म्हेसिगु ज्यान वःगु दु। हिन्दूया सत्सङ्ग ज्याझ्वलय् जूगु उगु घटनाय् मेपि न अप्पो घाःपाः जूगु दु धका बीबीसीं धाःगु दु।

सीपि अप्पो थे मचापि व मिसापि धका धाःगु दु। घाःपाः जूगुनिगु अस्पतालय् वासः याकाच्वंगु दु। प्रधानमन्त्री नरेन्द्र मोदीं हाथरस घटनाय् दुःख प्वकूसे सीपिनिगु परिवारयात निगु लाख व घाःपाः जूपिन्त ५० हजार बिइगु धका घोषणा याःगु दु।

उत्तर प्रदेश सरकारं सीपिनिगु परिवारयात निगु लाख व घाःपाः जूपिन्त ५० हजार बिइगु घोषणा याये धुकुगु दु।

Categorized in अन्तर्राष्ट्रिय