२०८१ आषाढ ३०, आइतबार

खास्ती बसया इन्जिन मुइवं छम्ह घाःपाः

लहनान्युज | दिल्लाथ्व चौथी ११४४, असार २६ बुधवाः

येँया खास्ती न्ह्याना च्वंगु बसया इन्जिन मुइवं उगु बसय् च्वनावम्ह छम्ह घाःपाः जूगु दु। दोलखाय् छेँ दुम्ह थौकन्ह्यः येँ च्वनाच्वम्ह ५४ दँ दुम्ह दावा लामा घाःपाः जूगु दु।

प्रहरीया कथं थौ बुधवाः बौद्ध पीपलबोट सतकखण्डय् प्र.३–०१–००५ख ९८६६ न. या बाबा गोकर्णेश्वर बस न्ह्यानाच्वंगु बसय् इन्जिन मुगु खः।

घाःपाः जूम्ह लामायात अर्थपेडिक अस्पताल नारायणटारय् वासः याकाच्वंगु दु धका प्रहरीं जानकारी बिउगु दु। घटनाबारे थप अनुसन्धान जुयाच्वंगु दु धका प्रहरीं जानकारी बिउगु दु।

Categorized in राष्ट्रिय