२०८१ आषाढ ३०, आइतबार

कोलम्बिया कोपा अमेरिकाया फाइनलय्

क्षितिज श्रेष्ठ | दिल्लाथ्व षष्ठी ११४४, असार २७ बिहीवाः

कोलम्बियां उरुग्वेयात बुकाः कोपा अमेरिकाया फाइनलय् थ्यंगु दु। थौं सुथय् अमेरिकाया बैंक अफ अमेरिका रंगशालाय् जूगु कासाय् उरुग्वेयात १–० गोलं बुकाः कोलम्बिया २३ दँ लिपा कोपाया फाइनलय् थ्यंगु खः।

कोलम्बियाया निंतिं कासाया ३९ गु मिनेटय् जेफरसन लेर्मां गोल याःगु खः। न्हापांगु हाफया लिपागु इलय् डैनियल मुनोजयात ह्याउँगु कार्ड नयेधुंकाः निगूगु हाफ न्यंकं कोलम्बिया झीम्ह कासामिइ जक सीमित जूगु खः।

कासाय् उरुग्वें कोलम्बियायात दबाबय् तयातःगु खःसां गोल धाःसा याये मफुत। उपाधिया नितिं कोलम्बियां आः सोमवाः सुथय् अर्जेन्टिनालिसे म्हितीइ । म्हिगः सुथय् क्यानाडायात २–० गोलं बुकाः अर्जेन्टिना फाइनलय् थ्यंगु खः।

Categorized in कासा