द्वारिकाज होटल एण्ड रिसोर्टया सचालक अम्बिका श्रेष्ठ मन्त। आइतवाः यलया मेडिसिटी अस्पतालय् वासः यायेगु झ्वलय् ९१ दँय् मदुगु खः।

निमोनियाया ल्वगि श्रेष्ठ निला न्ह्यःनिसें वासः याकाच्वंगु खः। छेँजःया कथं कन्ह्यः शुक्रवाः सनिलय् पशुपति आर्यघाटय् दाहसंस्कार याइगु जूगु दु। ६५ दँ न्ह्यःनिसें होटल व पर्यटन ख्यलय् सक्रिय जुयादीम्ह श्रेष्ठं १९९१ निसें द्वारिकाज होटेल कःघाना वयाच्वनादीम्ह खः।

श्रेष्ठं प्यदँ न्ह्यः क्यान्सरयात बुकूगु खः। वय्कःया निम्ह म्ह्याय् दु। वय्कःया भाःत व काय् मदयेधुंकूगु दु। श्रेष्ठया पर्यटन ख्यःया थीथी संघ संस्थाय् नेतृत्वया भूमिकाय् ज्या यायेगु ताःहाकःगु अनुभव दु।

श्रेष्ठं द्वारिकाजया नामं येँ व धुलिखेलय् होटल चले यानाच्वंगु खः। वय्कलं थीथी ट्राभल एजेन्सी नं चले यानादीगु खः।

Categorized in राष्ट्रिय