सौर्य एयरलाइन्स जहाज दुर्घटनाय् १८ म्ह सीउगु दु। नेपाल नागरिक उड्डयन प्राधिकरणं १८ म्ह सीउगु व छम्ह घाःपा जूगु दु धका धाःगु दु।

प्राधिकरणया खोज लिसे उद्धार समन्वय केन्द्रं जारी याःगु विज्ञप्तिइ १८ सीम्ह संकलन जूगु दु धका उल्लेख याःगु दु। ९ एन–एएमई सीआरजे–७ विमान थौ सुथय् येँ न पोखरा वनेगु झ्वलय् विमानस्थल दुने हे दुर्घटना जूगु धका धाःगु दु।

विमानय् चालक दल नापं १९ म्ह च्वना वःगु खः। विमानय् क्याप्टेन मनिष शाक्य खः। शाक्ययात घटनास्थलपाखे उद्धार याना सिनामंगलस्थित केएमसी अस्पतालय् यकूगु खः।

Categorized in राष्ट्रिय