सातोआकी इटो स्मृति दिवस व ३० दँ क्यंगु लसताय् सातोआकी इटो स्मृति भवनय् चित्रकला कासा जुगु दु।

प्रतिभा समाजया ग्वसालय् जुगु उगु ज्याझ्वलय् योङ पिकासोया प्राविधिक ग्वाहालिपाखें प्रतिभा समाजया नायः प्रा. डा. बज्रराज बज्राचार्य, सचिव किरणनरसिं शाक्य, प्रतिभा समाजया नायः व य योङ पिकासोया सल्लाहकार, समाजसेवी शाक्य सुरेन, सातोआकी इटो स्मृति भवनया ज्याकुथि प्रबन्धक शोभा बज्राचार्य, समाजसेवी, सुशीला शाक्य, सितु मास्के, कृष्णकुमार श्रेष्ठ, झंकरप्रसाद जैशी, बाल्किशोर चौधरी, अजयप्रसाद राय चौधरी, राजकुमार महर्जनपिनिगु ब्बति दुगु खः। उगु कासाय् ३६ गू ब्वनेकुथिया ४० म्ह मस्तय्सं ब्वति काःगु खः।

कासाय् बालकिशोर चौधरी, सीतु मास्के व राजकुमार महर्जनं निर्णायकया रुपय् ज्या यानादीगु खः। सिनियरपाखे न्हाप– नोरिन श्रेष्ठ, ल्यू– पालिजा महर्जन, लियांल्यू– जेनिसा बज्राचार्य व प्यंगुगु थासय् प्रजना श्रेष्ठ लागु खः। अथेहे जुनियरय् न्हाप उत्सव चौधरी, ल्यू– श्रीजल अधिकारी, लियांल्यू आशिर्य देसार, प्यंगूगु थासय् मैत्री शाक्य व हःपाः सिरपा नुसला श्रेष्ठयात बिशेष सिरपाः इन्द्रेणी प्रधानं त्याकूगु खः।

अजय देसारं थ्व हे वइगु १६ गते बुधवाः यल उपमहानगरया उपमेयर मञ्जलि शाक्यं सातोआकीइ च्वंगु इतो स्मृति भवनय् सिरपा लःल्हानदी धका धयादीगु खः।

Categorized in राष्ट्रिय