पूर्वमन्त्री गोविन्दराज जोशी भ्रष्टाचार मुद्दाय् सर्वोच्च अदालतं दोषी ठहर याःगू दु।

आइतवाः न्यायाधीश विनोद शर्मा व बालकृष्ण ढकालया मंकाः इजलासं जोशीयात भ्रष्टाचार मुद्दाय् दोषी ठहर यासे ९ महिना कैद व ६९ लाख १५ हजार जरिवानाया सजाय न्यकूगु दु। जोशीयात भ्रष्टाचारया द्धपः बिउसे सर्वोच्चं बिगो व कैद सजाय घटे याःगु दु।

थ्व स्वया न्ह्यः विशेष अदालत जोशीयात गैरकानूनी कथं सम्पत्तिआर्जन यासे भ्रष्टाचार यागु नाप दँच्छित्याः कैद व २ करोड १६ लाख १४ हजार ३७६ रुपैयाँ जरिवाना जुइ फैसला न्यकूगु खः।

उगु मुद्दाय् ताराराज पाण्डे व बासुदेव पन्तयात सफाइ बिउगु धका सर्वोच्च अदालतया सूचना अधिकारी गोविन्दप्रसाद घिमिरे न जानकारी बिउगु दु।

Categorized in राष्ट्रिय