भारतयात बूका ग्वसाः खलः श्रीलङ्कां मिसा एशिया कप टी–२० क्रिकेटया उपाधि त्याकूगु दु। थौ जूगु फाइनलय् श्रीलङ्कां भारतयातयात ८ विकेटं बूकुगु खः।

भारतं बिउगु १ सय ६६ रनया लक्ष्य श्रीलङ्कां ८ बल ल्यः दनिइगु इलय् २ विकेट वःगु खःसा लक्ष्य पुरा याःगु खः। श्रीलङ्काया हर्षिथा समराविक्रमां नट आउट ६९, कप्तान चमारी अथपथ्थु न ६१ रन दयकूगु खः। भारतया दिप्ती शर्मा न छगु विकेट काःगु खः।

दम्बुलाय् टस त्याका न्हापां ब्याटिङ याःगु भारतं २० ओभरय् ६ विकेटय् १ सय ६५ रन दयकूगु खः। भारतया स्मृति मन्धानां ६०, रिचा घोषं ३०, जेमिमा रोड्रिगेजं २९ रन दयकूगु खः। श्रीलङ्काया कविशा दिल्हारी न निगु विकेट काःगु खः। श्रीलङ्कां थ्व हे आःतक न्हापां उपाधि त्याकूगु खः।

थ्व स्वया न्ह्यः सन् २००४, २००५–०६, २००६, २००८ व २०२२ य् फाइनल थ्यःगु खःसा श्रीलङ्का उपविजेता सीमित जूगु खः। भारतं न्ह्यय्कः तक उपाधि त्याकूगु खःसा निकः जक उपविजेता जुइमाःगु खः। सन् २००४, २००५–०६, २००६, २००८, २०१२, २०१६ व २०२२ य् उपाधि त्याकूगु खः।

Categorized in कासा