शेयर बजाः थौ ३५ ल्याखं थहावःगु दु। न्हिच्छियकं थहाक्वहा जुयाच्वंगु शेयर बजाः परिसूचक नेप्से ३५ दशमलव ५५ ल्याखं थहावना २ हजार ६ सय ९६ दशमलव ६५ विन्दुइ थ्यःगु दु।

थौ बैंकिङ, म्युचल फन्ड व निर्जीवन बीमा बाहेक दक्को समूहया शेयर थहावंगुलि होटल, फाइनान्स, विकास बैंक समूहया शेयर यक्को कुहावःगु दु। थौ प्रोग्रेसिभ फाइनान्स, वरुण हाइड्रोपावर, सान्जेन जलविद्युत्, नेपाल वेयरहाउजिङ, सीईडीबी हाइड्रोपावर, नेपाल फाइनान्स कम्पनीया शेयर १० प्रतिशतं थहावःगु दु।

अथेहे खुगु कम्पनीया शेयर ९ प्रतिशत स्वया अप्पो थहावःगु दु। समग्र बजाः थहावःगु दु सा एशियन हाइड्रोपावर कम्पनीया शेयर १० प्रतिशत स्वया अप्पो कुहावःगु दु। ३२९ गु कम्पनीया ४ करोड ३ लाख कित्ता शेयर १७ अर्ब २६ करोड रुपैयाँया कारोबार जूगु दु।

दकलय् अप्पो हिमालयन रिइन्सुरेन्स कम्पनीया ६० करोड रुपैयाँ स्वया अप्पो शेयर कारोवार जूगु दु।

Categorized in राष्ट्रिय